Размер шрифта: A A A
Цвет сайта: A A A A
Kapitalbank Uzum xoldingi tarkibiga kiradi
20 Feb 2023

Mamlakatimizning eng yirik xususiy banki, davlatimiz aholisi uchun raqamli xizmatlar ekotizimini rivojlantirayotgan Uzum xoldingi bilan birlashtiriladi. Bu haqida bugun Toshkentda bitim imzolandi. Xolding tarkibida bank O‘zbekiston Respublikasi iqtisodiyotini raqamlashtirishga qaratilgan tashabbuslarni faol rivojlantirishni rejalashtirmoqda.

Aksiyadorlar tarkibidagi ushbu o'zgarishlardan so'ng bankning Uzum guruhining turli xizmatlari bilan hamkorligi boshlanadi, bu esa "Kapitalbank" ATBni raqamlashtirish va yangi mijozlarni jalb qilish uchun katta salohiyatni, boshqa tomondan esa bank mijozlariga Uzum mahsulotlari va xizmatlarini taklif qilish uchun ulkan imkoniyatlarni ko'rsatdi.

Yagona b2b va b2c platformasini yanada rivojlantirish uchun “Uzum” kompaniyalari guruhi tomonidan “Kapitalbank” ATB, “Uzum Market” marketpleysi, “Uzum Bank” raqamli banki va “Uzum Nasiya” muddatli toʻlov xizmatini oʻz ichiga olgan xoldingi tashkil etilmoqda. Aktivlarni yagona boshqaruvi xizmatlar sinergiyasi yaratadigan barcha imtiyozlarni tezda amalga oshirish va Uzum ekotizim xizmatlaridan foydalanuvchilar uchun eng yaxshi mijozlar tajribasini tashkil qilish imkonini beradi ( hozirgi kunda har oy mamlakatda 5 milliondan ortiq kishi kompaniya xizmatlaridan foydalanadi).

Avvalroq, 2022-yilda rossiyalik tadbirkorlar Irina Lupicheva va Boris Dobrodeev bank aksiyadorlari qatoridan chiqib ketdi, Uzum guruhidagi kompaniyalardan biri esa bank aksiyalarini sotib olgan edi.

“Uzum ekotizimi bilan birlashish bankka davlatimizda bank xizmatini raqamlashtirish va tadbirkorlikni rivojlantirish va O‘zbekistonliklarning hayot sifatini yaxshilash uchun yagona raqamli infratuzilmani yaratishda faol ishtirok etish imkonini beradi”, — dedi Maqsud Abdusamadov, bank Kuzatuv kengashi raisi.

Kompaniya haqida
“Uzum” kompaniyalar guruhi 2022 yilda tashkil etilgan. Uzum kundalik muammolarni hal qilish va biznesni rivojlantirish uchun raqamli xizmatlarning noyob ekotizimini faol rivojlantirmoqda. Kompaniyalar guruhiga “Kapitalbank” ATB, “Uzum Nasiya” muddatli toʻlov xizmati, keng assortiment va mahsulotlarni tez yetkazib beradigan “Uzum Market” marketpleysi, shuningdek, “Uzum Bank” raqamli banki kiradi. O‘zbekistonda har oy 5 milliondan ortiq kishi kompaniya xizmatlaridan foydalanadi. Uzum guruhi aksiyadorlari o‘zbekistonlik tadbirkorlar – bank va xolding tarkibiga kiradigan barcha aktivlar egalaridir. Shuningdek, Uzum aksiyalarining katta ulushi guruh menejmenti va uning tarkibiga kiruvchi barcha kompaniyalarga biriktiriladi.

/ Manba: ko'rsatilmagan / Ko'rishlar: 3588

So’rov

"Kapitalbank" ATB da xizmat ko'rsatish sifati sizni qoniqtiradimi?
Belgilangan matnni tinglash uchun quyidagi tugmani bosing Powered by GSpeech